_{Utsikt frå Børestein i Luster mot Molden
Fotograf: Amalie Forthun Grøthe}                

Arkivplanen viser oversikt over arkivskapinga i Luster kommune, og handsaming av all informasjon og dokumentasjon. Arkivlova med forskrifter ligg til grunn. Dei ulike lokale rutinene innan sakshandsaming, journalføring og innsyn er tilgjengeleg for tilsette i kommunen gjennom kvalitetssystemet LKK.

Arkivplanen skal sikra at Luster kommune ivaretek arkivansvaret sitt etter arkivlovas § 6: "Offentlege organ pliktar å ha arkiv, og desse skal vera ordna og innretta slik at dokumenta er tryggja som informasjonskjelder for samtid og ettertid."